Уран нарийн, чамин тансаг хийц, хараа булаам чимэг, зүүлт бүхий хувцастай үндэстэн Монголоос өөр хаана ч байхгүй биз ээ. Монгол хүний ур ухаан, өв соёл шингэсэн дээл, хувцасны талаар Монголын Үндэсний музейн захирал, Урлаг судлалын ухааны доктор Ж.Саруулбуянтай ярилцлаа. (more…)

Маргааш ямар өдөр болох бол, ямар хувцас өмсдөг юм билээ гэсэн яриа бараг айл болгонд өглөө оройдоо өрнөдөг. Заримдаа цаг агаарын мэдээнд үнэмших нь алдаа болдог тал бий.

Ингэхэд ус, цаг уурын мэргэжилтүүд долоо, арав хоног, цаашлаад сарын урьдчилсан мэдээг яаж гаргадаг юм бол гэсэн бодол намайг  Ус, цаг уурын хүрээлэнгийн Урьдчилан мэдээлэх секторын эрхлэгч Ж.Цогттой энэ асуудлаар ярилцахад хүргэсэн юм. (more…)

Амьдрал буцалж чимээ шуугиан тасрахгүй Улаанбаатар хотод өдгөө сая хоёр зуун мянга гаруй хүн амьдарч байна. Жил ирэх тусам хотруу чиглэсэн нүүдлийн цуваа нэмэгдэж, үүнийгээ дагаад хог, утаа нь дийлдэхгүй бөөн асуудал үүсгэнэ. Хог утааны асуудлаас гадна тулгамдаад байгаа нэг асуудал бий. Энэ бол нийслэлийг тойрсон “Чимээгүй хот” буюу оршуулгын газрууд юм. (more…)

Энд тэндгүй хөгжимтэй дуут дохиогоо хангинуулан хог ачих хогны машиныг эхэндээ хүмүүс гайхаж, сонирхдог байлаа. Харин одоо энэ дуу бидний чихэнд хоногшиж хогны машин ирлээ, хогоо ачуулаарай хэмээн хүмүүс мэдэх болж. Ямар сайндаа манай ажлын газрын ах энэ дууг сонсоод наад утсаа аваач ээ, яасан их дугаргадаг юм бэ хэмээн бяцхан онигоонд орох вэ дээ. Мэдэхгүй хүнд бол утасны дуутай андуурам аялгуутай машины жолоог мушгиж яваа жолоочтой ярилцснаа хүргэе. (more…)

Зун болж зурам улайнгуут нийслэлчүүд маань нүд хорсгон хоолой аргаах гашуун утаагаа бүр мартаж орхино. Эргээд өвөл ирэхгүй юм шиг гурван сар сатаараадаг. Улаанбаатарын агаарын бохирдол зөвшөөрөгдөх хэмжээнээсээ хэд дахин их болсон өнөөгийн энэ төлөв байдал үнэндээ 19 дүгээр зууны Английн үетэй адил  байгаа гэж харьцуулж ярьж бичиж байна.  Тухайн үед Английн иргэд амьсгалын цочмог өвчин, хорт хавдраар өвчилж, шинээр төрж буй хүүхдүүд уушигны хатгалгаа, цус багадалт, тархины даралт зэрэг өвчинд нэрвэгдэж байж. Тэр үед Англид үйлдвэрийн утаа зонхилж байж. (more…)

Газрын элгэн дээр бялхаж байсан цагаа дурсан гуниг тээн урсах мэт нийслэлийг тойрсон гол горхиуд хүнээр бол өтөлж өеөдөөд туйлдаа юу даа. Арваад жилийн өмнө цэлийтэл урсаж байсан “Сэлбэ” гол газрын гадаргаас усаа татаж гол байсан гэх түүхийг хойч үеийнхэнд үлдээв. (more…)

1639 оны тэртээ үндэс сууриа тавьсан нийслэл маань одоогийн байрласан газартаа суурьшихаас өмнө 100 гаруй удаа нутаг сэлгэж байсан түүхтэй. Нүүдэлчдийн дугуй хүрээ маягаар төлөвлөгдсөн хот өнгө засаж хүрээгээ тэлсээр одоо хүн, машинаа багтаахгүй шахам болтлоо өргөжөөд байна.

(more…)